Оваа книга е замислена како прирачник за сите што сакаат да ги научат, применуваат и усовршат техниките на вендузи и „Гуа Ша“ (стругање). Без разлика дали станува збор за лаик, терапевт или корисник – секој може да ги научи овие древни и докажани техники.
Покрај тоа, на јасен и разбирлив начин се објаснети примената на методот Дорн (DORN), како и неговото дополнување со третмани со вендузи и „Гуа Ша“ (Gua Sha). Целта е да се поддржи и поттикне оздравувањето и одржувањето на здравјето на грбот. Дури и една кратка масажа со вендузи, направена на домашниот кауч, може да има значителен ефект. Со почитување на неколку едноставни правила, овие техники лесно можат да се применуваат и во домашни услови. Со оваа книга не само што ќе се запознаете со историскиот развој на терапијата со вендузи и техниката „Гуа Ша“, туку и ќе научите како правилно да ги применувате и какво влијание имаат овие методи врз целото тело.
Ако внимателно ја прочитате оваа книга, ќе ги поставите темелите за здрав живот. Со ова знаење можете да си помогнете себеси и на другите: отсега па натаму не само што ќе можете да ги третирате вашите блиски, па и самите себе, туку и да ублажите, па дури и трајно да отстраните одредени заболувања (на пример: настинка, главоболка, иритабилен мочен меур, болки во стомакот, дијареја, разни болки и многу повеќе). Исто така, со техниките на вендузи и „Гуа Ша“ (Gua Sha) може да се делува и против прекумерната тежина и појавата на брчки. И овие методи ќе ви ги претставам на многу сликовит начин, преку проверени упатства „чекор-по-чекор“ и голем број фотографии во боја.
Се надеваме дека ќе уживате во читањето и учењето – бидејќи оваа книга содржи сè што е потребно за самостојно да ги применувате техниката на вендузи и Gua Sha. Вашето здравје ќе ви биде благодарно!